Leikfélag Kópavogs var stofnað 5. janúar 1957 þegar 46 áhugamenn komu saman í barnaskólanum, Kópavogsskóla, gagngert til þess að stofna leikfélag. Í dag 5. janúar 2012 fögnum við því 55 ára afmæli félagsins. Haldið verður upp á afmælið á árlegu Stjörnuljósakvöldi í Leikhúsinu laugardaginn 7. janúar kl. 20.00. Meðlimir, vinir og vandamenn eru hvattir til að mæta og eiga saman huggulega kvöldstund. Eitthvað verður til skemmtunar á staðnum og að sjálfsögðu verður  afmæliskaka í boði. 

Þeir sem vilja kynna sér sögu Leikfélagsins geta smellt á tengilinn Saga LK hér til vinstri. 

Eins og áður hefur verið upplýst er aðalverkefni vormisseris heimasmíðað verk sem gengið hefur undir vinnuheitinu Hringurinn.
Fimmtudaginn 15. desember er komið að því að ýta því formlega úr vör með kynningarfundi í Leikhúsinu. Þeir sem hafa áhuga á að taka þátt í uppsetningunni mæti þá sem og aðrir félagar sem vilja fylgjast með.
Verkefnisstjórar eru Hrefna Friðriksdóttir, Hörður Sigurðarson, Skúli Rúnar Hilmarsson og Sváfnir Sigurðarson og munu þau leiða áhugasama inn í heim Hringsins.
Kynningarfundurinn er í Leikhúsinu eins og áður sagði og hefst kl. 19.30.

Ferna er leikdagskrá þar sem fjórir leikþættir, tveir íslenskir og tveir erlendir, verða sýndir í tæplega klukkustundarlangri dagskrá. Íslensku þættirnir eru XXX eftir Jónínu Leósdóttur og Verann eftir Hrefnu Friðriksdóttur en þeir erlendu heita Fjölskylda 2.0 og Vegsummerki minninga.

Átta leikarar eru í þáttunum sem eru í leikstjórn Harðar Sigurðarsonar. Aðeins verða tvær sýningar, fimmtudaginn 24. og föstudaginn 25. nóvember. Sýningar eru í Leikhúsinu, Funalind 2, og hefjast kl. 20.00. Miðaverð er 1.000 kr. og miðapantanir eru í Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. eða í síma 554-1985.Nánari upplýsingar á www.kopleik.is.

Unglingadeild Leikfélags Kópavogs frumsýnir glænýtt leikverk er nefnist Vertu úti sunnudaginn 20. nóvember kl. 20.00. Verkið er byggt á á þekktum þjóðsögum og þjóðsagnaminnum. Hér segir frá systkinum sem leggja á Heiðina þegar allra veðra er von, fleiri reynast vera á sveimi á sama tíma. Fólk hittist eða fer á mis og allra bíða margvísleg örlög.
Níu leikarar taka þátt í sýningunni sem er í leikstjórn Grímu Kristjánsdóttur. Auk frumsýningar verða sýningar mið. 23. nóv. og lau. 26. nóv. Sýningar eru í Leikhúsinu, Funalind 2, og hefjast kl. 20.00.

Miðaverð er 1.000 kr. og miðapantanir eru í Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. eða í síma 554-1985.Nánari upplýsingar á www.kopleik.is.