Þó að jólahátíðin sé að bresta á er ekkert lát á vinnusemi félagsmanna. Eftir vikuhvíld meðan leiklistardeild Kvikmyndaskóla Íslands setti sýningu á svið í Leikhúsinu eru félagsmenn mættir aftur í húsið. Unnið er af kappi við undirbúning Stjörnuljósakvölds þar sem ætlunin er m.a. að frumsýna 3 leikþætti. Dagskrá Stjörnuljósakvölds verður auglýst betur síðar. Einnig er verið að æfa og undirbúa farsann sem frumsýna á í febrúar. Ljóst er að lítið verður um frí hjá mörgum nema yfir bláhátíðarnar.
