Fréttir | Leikfélag Kópavogs

Síðasta partýið

lensherra — Thu, 12 Mar 2026 09:21:01 +0000

Síðasta partýið í blokkinni hefur verið haldið. Íbúarnir eru missáttir við þá ákvörðun og upp hefst leynimakk sem fljótlega fer úr böndunum.
En hver er ástæðan fyrir því að það verða ekki fleiri partý? Er það brotni sófinn, bilaði glugginn á baðherberginu eða merkingarnar á póstkössunum? Eða er það dularfulli fornleifafræðingurinn? Og hvaðan kom þessi frjósemisstytta?
Inn í atburðarásina dragast húsverðir, dyraverðir, stílistar, kaffibaristur, kaupglaðar konur og aðrir virkir og óvirkir partýpinnar sem öll eiga það sameiginlegt að vera í leit að hamingjunni í einhverju formi.

SÍÐASTA PARTÝIÐ
Frumsýnt 12. mars 2026
Höfundur:Aðalsteinn Jóhannsson
Leikstjórn Gísli Björn Heimisson

Leikendur:
Birta Rut Tiasha Sigfúsdóttir
Lilja Sigurðardóttir
Sigurbjörg Halldórsdóttir
Sigurður Kr. Sigurðsson
Aðalsteinn Jóhannsson
Bjarklind Þór
Davíð Máni Stefánsson

Leikmynd:
Örn Alexandersson
Gísli Björn Heimisson
Hörður Sigurðarson
Aðalsteinn Jóhannsson
Stefán H. Jóhannesson

Búningar og gervi:
Elín Sigríður Gísladóttir & leikhópurinn

Ljós og hljóð:
Hörður Sigurðarson og Hjördís Berglind Zebitz

Framkvæmdastjórn:
Ellen Dögg Sigurjónsdóttir

Sýningarstjórn:
Sigrún Tryggvadóttir & Sigríður Elín Olsen

Leikskrá:
Ingveldur Lára Þórðardóttir & Örn Alexandersson

Herbrgi 213 frumsýnt 25. október

lensherra — Mon, 27 Oct 2025 09:01:24 +0000

Leikfélag Kópavogs frumsýnir Herbergi 213 (eða Pétur mandólín) eftir Jökul Jakobsson laugardaginn 25. október. Rúm fimmtíu ár eru síðan verkið var frumsýnt í Þjóðleikhúsinu 1974. Verkið var töluvert sett upp áratuginn þar á eftir en hefur lítið verið sett upp síðan. Verkið er eitt af fyrstu verkum á íslensku leiksviði sem skrifað var fyrir konur.
Verkið fjallar um arkitektinn Albert sem kemur til að ganga frá heildarskipulagi í bæ úti á landi. Hann kemur á heimili Péturs,
látins skólafélaga síns. Konurnar á heimilinu taka vel á móti honum. Líf færist í húsið, en ekki er allt sem sýnist.

Leikstjóri sýningarinnar er Sigrún Tryggvadóttir. Nánari upplýsingar um leiksýninga er að finna hér.

Herbergi 213

lensherra — Sat, 25 Oct 2025 16:40:54 +0000

Persónur og leikendur:
Albert Gisli Björn Heimisson
Dóra – kona Péturs Anna Margrét Pálsdóttir
Frú Lovísa – mamma Péturs Ingveldur Lára Þórðardóttir
Lovísa – dóttir Péturs Birgitta Björk Bergsdóttir
Anna – systir Péturs Oddfreyja H Oddfreysdóttir
Stella – hjákona Péturs Guðný Hrönn Sigmundsdóttir

Leikstjóri: Sigrún Tryggvadóttir
Aðstoðarleikstjóri: Örn Alexandersson
Hljóð og mynd: Hörður Sigurðarson
Leikmynd: Þorleifur Eggertsson
Búningar og leikgervi: Elín Sigríður Gísladóttir
Ljósahönnun: Skúli Rúnar Hilmarsson
Leikskrá og veggspjald: Hjördís/Hörður/Örn
Sýningarstjórar og hvíslarar: Þórdís Sigurgeirsdóttir, Sigurbjörg Halldórsdóttir, Helga Bára Bragadóttir
Sjoppa: Þórdís Sigurgeirsdóttir
Tæknistjórn: Hjördís Berglind Zebitz
Ýmis aðstoð: Aðalsteinn Jóhannsson, Melkorka Líf Jónsdóttir, Adam Thor Murtomaa

Um höfundinn
Jökull Jakobsson (1933 –1978) fæddist í Neskaupstað á Norðfirði. Jökull lauk námi frá Menntaskólanum í Reykjavík 1953 og lagði síðan um hríð stund á nám í leikhúsfræðum í Vínarborg. Hann hafði gefið út sína fyrstu skáldsögu, Tæmdan bikar, þegar hann var enn aðeins sautján ára gamall. Er hann sneri heim tók hann að fást við blaðamennsku og vann um tíma á dagblaðinu Tímanum en
síðan einkum á ýmsum tímaritum, svo sem Vikunni og Fálkanum. Með leikritinu Hart í bak (1962) varð hann á skammri stundu vinsælasti leikritahöfundur Íslands og markaði djúp spor í leiklistar-
sögu landsins.

Leikstjórinn
Sigrún Tryggvadóttir hefur starfað með Leikfélagi Kópavogs síðan 2006 en hafði áður starfað með leikfélaginu Leyndum draumum og var einn af stofnendum þess árið 1996. Sigrún hefur setið í stjórn LK og hefur áður leikstýrt leiksýningum og leikþáttum hjá félaginu og nú síðast Betri er þjófur í húsi en snurða á þræði eftir Dario Fo.
Sigrún hefur einnig fengist við að skrifa stutta leikþætti og var meðal annarra meðhöfundur í uppfærslu Leikfélags Hafnarfjarðar á verkinu „Ekkert að óttast“ sem valin var athyglisverðasta áhugaleiksýning ársins 2016 af valnefnd Þjóðleikhússins. Sigrún hefur
sótt fjölda námskeiða í leiklist, s.s. í leikstjórn og leikritun.

Aðstoðarleikstjórinn
Örn Alexandersson hefur starfað með Leikfélagi Kópavogs frá 1988 og m.a. setið í stjórn félagsins. Hann hefur tekið þátt í fjölda uppfærslna hjá Leikfélagi Kópavogs sem leikari, hannað leikmyndir, búninga, leikstýrt og skrifað nokkur leikrit bæði fyrir börn og fullorðna auk styttri leikþátta. Örn hefur sótt fjölda námskeiða í leiklist, s.s. í leikstjórn og leikritun.
Sigrún og Örn hafa unnið saman í fjölda sýninga hjá félaginu.

Tíminn eftir Omar Khayam
Tíminn hann er fugl sem flýgur hratt
Hann flýgur kannski úr augsýn þinni í kvöld
Á hverjum degi gerðu upp þín gjöld
Við guð og menn og tak þinn staf og hatt
Slíttu hverja festi er fót þinn batt
Við fánýtt heimsins gæði, auð og völd
Ég vona að verði sett á söguspjöld
Með sjálfsvirðingu hafi ég alla kvatt
Tíminn hann er fugl sem flýgur hratt
Hann flýgur kannski úr augsýn minni í kvöld

Sýningin er styrkt af menningar- og mannlífsnefnd Kópavogs

Aðalfundur Leikfélags Kópavogs 16. júní kl. 20.00

lensherra — Mon, 16 Jun 2025 14:42:45 +0000

Aðalfundur leikfélagsins verður haldinn mánudaginn 16. júní kl. 20.00 í Leikhúsinu að Fundalind 2. Á dagskrá eru venjuleg aðalfundarstörf.
Léttar veitingar í boði.

Ó mig auman

lensherra — Sun, 01 Jun 2025 21:12:53 +0000

Leikfélag Kópavogs fagnar vorblíðunni með stuttverkadagskránni Ó mig auman, miðvikudagskvöldið 4. júní. Sýnd verða sex verk eftir höfunda í leikritasmiðju félagsins.
Leikritin eru í ýmsum dúr en eiga þó eitt og annað sameiginlegt.

Dagskráin hefst kl. 20.30 í Leikhúsinu við Funalind 2 og sýningartími er um klukkustund.

Miðasala er á Tix.is. Miðaverð 1.000,

Stuttverkadagskrá og Herbergi 213

lensherra — Wed, 14 May 2025 21:12:16 +0000

Leikfélag Kópavogs boðar samlestur vegna stuttverkadagskrár sem sýnd verður fyrstu vikuna í júní. Samlesturinn verður laugardaginn 17. maí kl. 10.00 í Leikhúsinu Funalind 2. Allir velkomnir.

Einnig er boðað til samlestra á haustverkefni félagsins sem er Herbergi 213 eftir Jökul jakobsson, þriðjudaginn 27.maí kl 20 í LK. Allir velkomnir og nýir félagar sérstaklega hvattir til að mæta.

Bót og betrun

lensherra — Fri, 24 Jan 2025 09:32:59 +0000

Bót og betrun eftir Michael Cooney

Þýðing; Hörður Sigurðarson
Frumsýnt 1. febrúar 2025
Miðasala á Tix.is

Bót og betrun segir frá bótasvindlaranum Eric Swan sem grípur til þess ráðs að svíkja bætur út úr félagslega kerfinu, þegar hann missir vinnuna. Svindlið fer hins vegar úr böndunum og Eric kemst að því að það er stundum einfaldara að komast á bætur en af, þegar boltinn er einu sinni farinn að rúlla. Að endingu er hann rígfastur í eigin lygavef, fulltrúar Félagsmálastofnunar sækja að honum úr öllum áttum og eiginkonan er full grunsemda. Til að höggva á hnútinn þarf Eric að losa sig við upplogna bótaþega sína en vandinn vex bara með hverri viðleitni hans til að snúa við blaðinu.

Persónur og leikendur:
Linda Swan: Birgitta Björk Bergsdóttir
Eric Swan: Aðalsteinn Jóhannsson
Norman McDonald: Gísli Björn Heimisson
Hr. Jenkins: Magnús Ágúst Magnússon
George frændi: Bjarki Höjgaard
Sally Chessington: Guðný Hrönn Sigmundsdóttir
Dr. Chapman: Sigurður Kr. Sigurðsson
Hr. Forbright: Þórarinn Heiðar Harðarson
Frk. Cowper: Oddfreyja H. Oddfreysdóttir
Brenda Dixon: Embla Steinvör Stefánsdóttir

Aðstandendur:
Leikstjórn: Hörður Sigurðarson
Sýningarstjórn: Bjarklind Þór, Þórdís Sigurgeirsdóttir, Sigurbjörg Halldórsdóttir
Búningar og props: Sigurbjörg Halldórsdóttir, Þórdís Sigurgeirsdóttir og leikhópurinn
Leikmyndasmíði: Freyr Björnsson og Hafsteinn Svansson
Ráðgjöf, hönnun og aðstoð: Þorleifur Eggertsson og Örn Alexandersson
Lýsing: Skúli Rúnar Hilmarsson
Hljóð: Hörður Sigurðarson
Tæknimaður: Hjördís Zebitz
Auglýsingar: Valdimar Lárus Júlíusson

Þakkir:
Lista- og menningarráð Kópavogs
Góði hirðirinn
Leikfélag Keflavíkur
Eirberg
Guðbjörg Jóna Guðlaugsdóttir

Leikskrá, plakat og myndir: Einar Þór Samúelsson

Nýliðanámskeið hjá LK framundan

lensherra — Tue, 10 Sep 2024 13:17:00 +0000

Fresta þurfti nýliðanámskeiði sem fyrirhugað var í byrjun september en nú eru komnar nýjar dagsetningar og námskeiðið mun hefjast mán. 30. sept. Leiklistarnámskeiðið er ætlað nýliðum og fólki með minni leikreynslu og aldurstakmark er 21 árs. Farið verður í ýmis grunnatriði sviðsleiks og áhersla lögð á praktíska nálgun. Leiðbeinandi á námskeiðinu er Hörður Sigurðarson sem kennt hefur á svipuðum námskeiðum hjá leikfélaginu undanfarin ár.

Námskeiðið verður 18 klst. í heildina, 3 klst. í senn í 6 skipti og eru tímar sem hér segir:
Mán. 30. sept. 18.00 – 21.00
Fim. 3. okt. 18.00 – 21.00
Lau. 5 okt. 10.00 – 13.00
Mán. 7. okt. 18.00 – 21.00
Fim. 10. okt. 18.00 – 21.00
Lau. 12 okt. 10.00 – 13.00

Námskeiðsgjald er 20.000 kr. Félagsmenn í LK fá 50% afslátt á námskeiðinu. Hægt er að skrá sig í félagið hér en félagsgjaldið er 6.000 kr. .

Umsókn á námskeiðið er gild þegar námskeiðsgjald hefur verið greitt. Ef ekki næst lágmarksfjöldi á námskeiðið, fellur það það niður og umsækjendur fá endurgreitt.

Skráðu þig á námskeiðið hér:

Ferðin til Limbó

lensherra — Fri, 01 Mar 2024 14:15:02 +0000

Leikfélag Kópavogs sýnir barnaleikritið Ferðin til Limbó eftir Ingibjörgu Jónsdóttur (1953-1986) sem sett var upp í Þjóðleikhúsinu í janúar 1966. Leikritið byggir á barnabókinni Músabörn í geimflugi eftir sama höfund sem kom út árið 1963. Leikritið var fyrsta leikritið eftir íslenska konu sem sett var upp í Þjóðleikhúsinu. Leikritið hefur ekki verið sett upp síðan þó að það hafi hlotið mikla aðsókn á sínum tíma.

Tónlist í verkinu er eftir Ingibjörgu Þorbergs og er þekkasta verkið í laginu Sé tunglið allt út tómum osti.

Miðasala er á Tix.is.

Leikarar og aðstandendur sýningar eru:

Maggi mús: Gisli Björn Heimisson

Malla mús: Birgitta Björk Bergsdóttir

Prófessor/Konungur/Slökkviliðsmaður: Aðalsteinn Jóhannsson

Aðstoðarmaður/Falskóngur/Borgarstjóri: Oddfreyja H Oddfreysdóttir

Mamma mús/Agga prinsessa/Kona: Guðný Hrönn Sigmundsdóttir

Bolti 1/Varðmaður/Slökkviliðsmaður: Mikael Ólafsson

Bolti 2/Varðmaður/Slökkviliðsmaður: Petra Ísold

Slökkviliðstjóri: Sigurður Kr Sigurðsson

Leikstjóri: Örn Alexandersson

Aðstoðarleikstjóri: Sigrún Tryggvadóttir

Hönnun hljóð og mynd: Hörður Sigurðarson

Útlitshönnuður: María Björt Ármannsdóttir

Ljósahönnun: Arnar Ingvarsson

Aðstoð við ljó:s Skúli Rúnar Hilmarsson

Aðstoð við tónlistarundirbúning: Halldór Sveinsson

Útsetning tónlistar: Jósep Gíslason

Sýningastjóri: Petra Ísold

Danshöfundar: Petra Ísold og Birgitta Björk Bergsdóttir

Tæknikeyrsla á sýningum: Hjördís Berglind Zebitz

Hönnunarteymi: María Björt, Gísli, Oddfreyja og Aðalsteinn

Aðstoð við söng: Ragnhildur D. Þórhallsdóttir

Leikstjórinn
Örn Alexandersson hefur starfað með Leikfélagi Kópavogs frá 1988 og m.a. setið í stjórn félagsins. Hann hefur tekið þátt í fjölda uppfærslna hjá Leikfélagi Kópavogs sem leikari, hannað leikmyndir og búninga og leikstýrt. Má þar nefna Elskhuga e. Harold Pinter, Á rúmsjó e. Slawomir Mrozek, Lík til Sölu e. Dario Fo og barnaleikritið Fróði og allir hinir grislingarnir e. Ole Lund Kirkegaard. Þá hefur hann einnig skrifað nokkur leikrit bæði fyrir fullorðna og börn auk leikþátta. Má þar nefna barnaleikritin „Gutti og félagar“ sem byggði á textum Stefáns Jónsonar og barnaleikritið Rúi og Stúi í samvinnu við Skúla Rúnar Hilmarsson sem hefur verið sett upp víðsvegar um landið. Leikrit fyrir fullorðna sem Örn hefur skrifað eru m.a. Fjallið og Snertu mig ekki – snertu mig. Örn hefur sótt fjölda námskeiða tengda leiklist s.s. í leikstjórn og leikritun.

Aðstoðarleikstjórinn
Sigrún Tryggvadóttir hefur starfað með Leikfélagi Kópavogs síðan 2007 en hafði áður starfað með leikfélaginu Leyndir draumar og var einn af stofnendum þess árið 1996. Sigrún hefur setið í stjórn LK og hefur áður leikstýrt leiksýningum og leikþáttum hjá félaginu og nú síðast Betri er þjófur í húsi en snurða á þræði eftir Dario Fo. Sigrún hefur einnig fengist við að skrifa stutta leikþætti og var meðal annarra meðhöfundur í uppfærslu Leikfélags Hafnarfjarðar á verkinu „Ekkert að óttast“ sem valin var Athyglisverðasta áhugaleiksýning ársins 2016 af valnefnd Þjóðleikhússins. Sigrún hefur sótt fjölda námskeiða í leiklist s.s. leikstjórn og leikritun.

Aðalfundur Leikfélags Kópavogs 2023

Örn Alexandersson — Mon, 29 May 2023 11:14:47 +0000

Aðalfundur Leikfélags Kópavogs 2023 verður haldinn 6. júní kl. 19.30 í Leikhúsinu að Funalind 2. Á dagskrá eru venjuleg aðalfundarstörf. Nýir og gamlir félagar hvattir til að mæta.

Tillögur að lagabreytingum:

Félagar 67 ára og eldri eru undanþegnir greiðslu félagsgjalda. – falli út.

Eftirfarandi bætist í lögin:

Stjórn skipa þrír menn og þrír til vara. Stjórn skipa fimm aðilar og þrír til vara. Formaður er kosin sérstaklega til eins árs. Annað árið skal kjósa tvo aðila, hitt árið tvo.

LK er óheimilt að selja eða veðsetja fasteignina sína að Funalind 2, Kópavogi, án samþykkis bæjarstjórnar Kópavogs og skal þessari kvöð þinglýst á eignina.

Ef félagið er lagt niður fer húseign félagsins til Kópavogsbæjar. Aðrar eignir þangað sem slitafundur félagins ákveður. Samþykki þarf allra félagsmanna við slit á félaginu.