Frumsýning | Leikfélag Kópavogs

Ferðin til Limbó

lensherra — Fri, 01 Mar 2024 14:15:02 +0000

Leikfélag Kópavogs sýnir barnaleikritið Ferðin til Limbó eftir Ingibjörgu Jónsdóttur (1953-1986) sem sett var upp í Þjóðleikhúsinu í janúar 1966. Leikritið byggir á barnabókinni Músabörn í geimflugi eftir sama höfund sem kom út árið 1963. Leikritið var fyrsta leikritið eftir íslenska konu sem sett var upp í Þjóðleikhúsinu. Leikritið hefur ekki verið sett upp síðan þó að það hafi hlotið mikla aðsókn á sínum tíma.

Tónlist í verkinu er eftir Ingibjörgu Þorbergs og er þekkasta verkið í laginu Sé tunglið allt út tómum osti.

Miðasala er á Tix.is.

Leikarar og aðstandendur sýningar eru:

Maggi mús: Gisli Björn Heimisson

Malla mús: Birgitta Björk Bergsdóttir

Prófessor/Konungur/Slökkviliðsmaður: Aðalsteinn Jóhannsson

Aðstoðarmaður/Falskóngur/Borgarstjóri: Oddfreyja H Oddfreysdóttir

Mamma mús/Agga prinsessa/Kona: Guðný Hrönn Sigmundsdóttir

Bolti 1/Varðmaður/Slökkviliðsmaður: Mikael Ólafsson

Bolti 2/Varðmaður/Slökkviliðsmaður: Petra Ísold

Slökkviliðstjóri: Sigurður Kr Sigurðsson

Leikstjóri: Örn Alexandersson

Aðstoðarleikstjóri: Sigrún Tryggvadóttir

Hönnun hljóð og mynd: Hörður Sigurðarson

Útlitshönnuður: María Björt Ármannsdóttir

Ljósahönnun: Arnar Ingvarsson

Aðstoð við ljó:s Skúli Rúnar Hilmarsson

Aðstoð við tónlistarundirbúning: Halldór Sveinsson

Útsetning tónlistar: Jósep Gíslason

Sýningastjóri: Petra Ísold

Danshöfundar: Petra Ísold og Birgitta Björk Bergsdóttir

Tæknikeyrsla á sýningum: Hjördís Berglind Zebitz

Hönnunarteymi: María Björt, Gísli, Oddfreyja og Aðalsteinn

Aðstoð við söng: Ragnhildur D. Þórhallsdóttir

Leikstjórinn
Örn Alexandersson hefur starfað með Leikfélagi Kópavogs frá 1988 og m.a. setið í stjórn félagsins. Hann hefur tekið þátt í fjölda uppfærslna hjá Leikfélagi Kópavogs sem leikari, hannað leikmyndir og búninga og leikstýrt. Má þar nefna Elskhuga e. Harold Pinter, Á rúmsjó e. Slawomir Mrozek, Lík til Sölu e. Dario Fo og barnaleikritið Fróði og allir hinir grislingarnir e. Ole Lund Kirkegaard. Þá hefur hann einnig skrifað nokkur leikrit bæði fyrir fullorðna og börn auk leikþátta. Má þar nefna barnaleikritin „Gutti og félagar“ sem byggði á textum Stefáns Jónsonar og barnaleikritið Rúi og Stúi í samvinnu við Skúla Rúnar Hilmarsson sem hefur verið sett upp víðsvegar um landið. Leikrit fyrir fullorðna sem Örn hefur skrifað eru m.a. Fjallið og Snertu mig ekki – snertu mig. Örn hefur sótt fjölda námskeiða tengda leiklist s.s. í leikstjórn og leikritun.

Aðstoðarleikstjórinn
Sigrún Tryggvadóttir hefur starfað með Leikfélagi Kópavogs síðan 2007 en hafði áður starfað með leikfélaginu Leyndir draumar og var einn af stofnendum þess árið 1996. Sigrún hefur setið í stjórn LK og hefur áður leikstýrt leiksýningum og leikþáttum hjá félaginu og nú síðast Betri er þjófur í húsi en snurða á þræði eftir Dario Fo. Sigrún hefur einnig fengist við að skrifa stutta leikþætti og var meðal annarra meðhöfundur í uppfærslu Leikfélags Hafnarfjarðar á verkinu „Ekkert að óttast“ sem valin var Athyglisverðasta áhugaleiksýning ársins 2016 af valnefnd Þjóðleikhússins. Sigrún hefur sótt fjölda námskeiða í leiklist s.s. leikstjórn og leikritun.

Snertu mig ekki … eða hvað?

lensherra — Thu, 24 Aug 2017 13:05:25 +0000

Nýtt íslenskt leikrit, Snertu mig – ekki! var frumsýnt september í fyrra hjá Leikfélagi Kópavogs og vegna fjölda áskorana var ákveðið að gera framhald af verkinu og verður það nú sýnt undir nafninu Snertu mig – ekki! – Snertu mig. Verkið er gamandrama sem fjallar um samband hjóna og vinkonu þeirra, eða eins og vinsælt hefur verið í íslenskum bíómyndum, vandamál miðaldra karlmanns.
Snertu mig – ekki! – Snertu mig er eftir Örn Alexandersson en leikstjóri er Sigrún Tryggvadóttir. Örn og Sigrún hafa lengi starfað saman með Leikfélagi Kópavogs. Sigrún hefur áður verið aðstoðarleikstjóri Arnar en nú snúa það hlutverkunum við og er Örn nú aðstoðarleikstjóri Sigrúnar. Verkið er í fullri lengd rúmlega ein og half klukkustund og taka þrír leikarar þátt í sýningunni, þau Halldóra Harðardóttir, Arnfinnur Daníelsson og Guðný Hrönn Sigmundsdóttir.
Lýsing er í höndum Skúla Rúnars Hilmarssonar og Hörður Sigurðarson sér um hljóðvinnslu. Leikmynd og búningar er í höndum hópsins. Frumsýning er áætluð 15. september næstkomandi.

Frumsýning á Snertu mig – ekki!

lensherra — Sat, 10 Sep 2016 21:14:53 +0000

Nýtt íslenskt leikrit, Snertu mig – ekki! verður frumsýnt föstudaginn 16. september hjá Leikfélagi Kópavogs. Verkið er gamandrama sem fjallar um samband hjóna og vinkonu þeirra, eða eins og vinsælt hefur verið í íslenskum bíómyndum, vandamál miðaldra karlmanns.
Snertu mig – ekki! er eftir Örn Alexandersson, en leikstjóri er Sigrún Tryggvadóttir. Örn og Sigrún hafa lengi starfað með Leikfélagi Kópavogs en félagið á 60 ára afmæli á þessu nýhafna leikári. Verkið tekur um klukkustund í flutningi og taka þrír leikarar þátt í sýningunni, þau Anna Margrét Pálsdóttir, Arnfinnur Daníelsson og Guðný Hrönn Sigmundsdóttir.
Lýsing er í höndum Skúla Rúnars Hilmarssonar, Hörður Sigurðarson sér um hljóðvinnslu, Þorleifur Eggertsson um leikmynd og Sigrún Tryggvadóttir sá um búninga. Sérlegur altmuligmaður sýningarinnar er Ásgeir Kristinsson.

Sex sýningar eru fyrirhugaðar á verkinu og hægt er að panta miða hér á vefnum eða í síma 554 1985.

Frumsýning á Skugga-Sveini

lensherra — Tue, 14 Oct 2008 12:27:13 +0000

Leikfélag Kópavogs frumsýnir 19. október þann sígildasta af öllum sígildum, sjálfan Skugga-Svein Matthíasar Jochumssonar.
Verkið er sýnt í glænýrri leikgerð, sem löguð er að kröfum tímans. Skugga-Sveinn er jafnframt vígslusýning Leikhússins sem nýs leikhús félagsins í Funalind 2 í Kópavogi.

Leikstjóri er Ágústa Skúladóttir en uppfærslur hennar á undanförnum árum hafa þótt með því ferskasta í íslensku leikhúsi, sýningar á borð við Klaufa og kóngsdætur, Eldhús eftir máli, Stórfengleg, Grimms og margar fleiri.

Næstu sýningar verða sem hér segir:

Fim. 23. okt. kl. 20.00
Þri. 28. okt. kl. 20.00
Þri. 4. nóv. kl. 20.00
Fös.. 7. nóv. kl. 20.00
Miðaverð er 1.500 kr. Verð fyrir hópa, námsmenn, aldraða og öryrkja er 1.000 kr. Miðapantanir má senda í tölvupósti á midasala@kopleik.is .

Skugga-Sveinn opnunarsýning í nýju leikhúsi

lensherra — Tue, 02 Sep 2008 12:26:34 +0000

Nú standa yfir æfingar á Skugga-Sveini í leikstjórn Ágústu Skúladóttur. Áætluð frumsýning er 19. október. Samhliða æfingum er verið að leggja lokahönd á framkvæmdir við Leikhúsið við Funalind. Öll aðstoð við vinnuna er vel þegin.

Æfinga- og vinnuplan má sjá hér og og má fólk mæta á þeim vinnutímum sem þar eru gefnir upp.
Lesa nánar: Skugga-Sveinn opnunarsýning í nýju leikhúsi

Bingó frumsýnt 14. apríl

lensherra — Mon, 09 Apr 2007 20:33:02 +0000

Leikfélag Kópavogs og Leikfélagið Hugleikur sýna leikritið Bingó eftir Hrefnu Friðriksdóttur í leikstjórn Ágústu Skúladóttur
Lesa nánar: Bingó frumsýnt 14. apríl

Leikfélag Kópavogs og Leikfélagið Hugleikur sýna leikritið Bingó eftir Hrefnu Friðriksdóttur í leikstjórn Ágústu Skúladóttur.
Í leikritinu hittast fimm manneskjur reglulega og spila hinn stórskemmtilega leik Bingó sem allir þekkja og svo ótalmargir hafa spilað. Þessar fimm manneskjur bregðast við þeim tölum sem bingóstjórinn kallar upp og dreymir um að vinna stóra vinninginn. Skiptir það ekki mestu máli? Hver og einn verður að spila úr því sem honum er rétt – tölurnar vekja ýmsar minningar og við kynnumst persónunum og örlögum þeirra.

Komdu og við leikum Bingó fyrir þig!
Sýningar eru í Hjáleigunni, Félagsheimili Kópavogs, í Fannborg – hefjast kl. 20:30, nema annað sé tekið fram:
Laugard. 14. apríl Frumsýning – uppselt
Sunnud. 15. apríl 2. sýning
Fimmtud. 19. apríl 3. sýning
Laugard. 21. apríl 4. sýning, kl. 23:00
Sunnud. 22. apríl 5. sýning
Miðvikud. 25. apríl 6. sýning
Mánud. 30. apríl 7. sýning
Þriðjud. 1. maí 8. sýning
Miðvikud. 2. maí Lokasýning
Fimmtud. 3. maí 10. sýning – Aflýst
Föstud. 4. maí 11. sýning – Aflýst
Laugard. 5. maí 12. sýning – Aflýst
Föstud. 11. maí 13. sýning – Aflýst
Sunnud. 13. maí 14. sýning – Aflýst
Föstud. 18. maí 15. sýning – Aflýst

Miðapantanir á hugleikur.is eða í síma 823-9700.
Umfjöllun um sýninguna.

Frumsýning á Martröð

lensherra — Wed, 21 Mar 2007 20:32:01 +0000

Unglingadeild Leikfélags Kópavogs frumsýnir leikverkið Martröð fimmtudaginn 22. mars kl. 20.

Hægt er að panta miða hér eða í síma 823 9700.

Einnig er hægt að senda pöntun beint á midasala@kopleik.is þar sem fram kemur nafn, sími, dagsetning sýningar og fjöldi miða.

Verkið er byggt á Draumi á Jónsmessunótt eftir William Shakespeare. Martröð er að miklu leyti unnin og sýnd í spuna. Leikstjórn er í höndum Sigurþórs Alberts Heimissonar.

Frumsýning á Allt & Ekkert

lensherra — Wed, 28 Feb 2007 16:20:56 +0000

Undanfarnar vikur hafa staðið yfir æfingar á ÖLLU & ENGU hjá Leikfélagi Kópavogs. Verkið hafði í upphafi vinnuheitið EKKERT og eins og það gefur til kynna byrjaði hópurinn með EKKERT í höndunum. EKKERT handrit. EKKERT haldreipi. Það var upphafið að ÖLLU & ENGU.

Hópurinn, sem er samansettur af jafnt gömlum sem nýjum meðlimum LK, hefur komið víða við þessar vikur, en er núna kominn á áfangastað. ALLT & EKKERT hópurinn hefur grafið upp safn af sögum og mun í byrjun mars bjóða uppá líflegar frásagnir, kaffi og með því í hlýlegu og þægilegu umhverfi. Allt og ekkert sem þið hafið séð fram að þessu getur búið ykkur undir ALLT & EKKERT.

Frumsýning á ALLT & EKKERT er föstudaginn 2. mars og byrjar sýningin klukkan 20. Hægt er að panta miða hér á vefnum og í síma 8239700.