Í nóvember hefst leiklistarnámskeið á vegum leikfélagsins sem ætlað er nýliðum og fólki með minni leikreynslu. Farið verður í ýmis grunnatriði sviðsleiks og áhersla lögð á praktíska nálgun.
Leiðbeinandi á námskeiðinu er Hörður Sigurðarson sem kennt hefur á svipuðum námskeiðum hjá leikfélaginu undanfarin ár. Námskeiðið verður 18 klst. í heildina, 3 klst. í senn í 6 skipti og aldurstakmark er 20 ára. Námskeiðsgjald er 10.000 kr. fyrir utanfélagsmenn en skráðir félagsmenn greiða 2.500 kr. Athugið að skráning í félagið er öllum opin gegn 2.500 kr. félagsgjaldi. Sjá nánar hér.
Námskeiðið hefst mánudaginn 1. nóvember og eru námskeiðstímar sem hér segir:
Mán. 1. nóv. kl. 19.00-22.00
Fim. 4. nóv. kl. 19.00-22.00
Lau. 6. nóv. kl. 10.00-13.00
Mán. 8. nóv. kl. 19.00-22.00.
Fim. 11. nóv. kl. 19.00-22.00
Lau. 13. nóv. kl. 10.00-13.00
Hægt er að ganga frá skráningu á námskeiðið hér.